ARUTWO 2 A FORM 4 GUKUA VIHIGA
Written by Kayu Digital Team on March 23, 2025
- NAIROBI & ENVIRONS 91.0 | MT KENYA REGION 91.1FM
Arutwo eri a kirathi gia form four thukuru-ine wa Ramba Boys Kaunti-ine ya Siaya nimakuite thutha wa kugua irima-ine ria gute giko gia kioro( Septic Tank). Arutwo aya merikanite gukorwo maraikarite iguru wa irima riri hamwe na arutwo angi riria rirabobokire mathaa-ine ma thinacara cia hwai-ine.
Kuringana na mwarimu umwe wa thukuru uyu ni ati arutwo aingi nimarahotire kwehera naihenya ritanaboboka.Augite arutwo eri aria maragurarire nimatwaritwo thibitari.
Maabithaa a borithi hamwe na Red Cross nimekinyitie mwena ucio na guteithiriria mihango-ine ya kuruta miiri ya arutwo aya thiinie wa irima riri.
Gavana wa kaunti ya Siaya James Orengo akiaria na nyumba cia mohoro ni acakaite na bamiri hamwe na thukuru uyu na kuiranira ati thirikari yake ni ikuirutaniria niguo kugitira arutwo riria mari thukuru.
