ONJORIA A NAIVASHA GUKENERERA WAMBATIRU WA BIACARA CIAO
Written by Kayu Digital Team on March 22, 2025
- NAIROBI & ENVIRONS 91.0 | MT KENYA REGION 91.1FM
Onjoria gicigoini mbunge kia Naivasha kauntiini ya Naikuru nimakenereire kwambatiria kwa wonjoria riri mahenya ma ngari WRC Safari Rally manyitite thinga mwena ucio, magitariria uria wuingi wa eroreri a mahenya maya mahurite njeki biacara ciao.
Onjoria a mikawa matariirie ati kahinda-ini gaka mikawa yao ni ihurite undu uria umarehereire baita nene.
Makiria ya oguo onjoria angi ni merutaniirie kwendia indo itiganite iria marauga citiramatwarira hadhara kuona gikiro kia uguri wa Indo kiri iguru.
