HARAMBEE STARS KUNYITWO KABATI YA MBAO 3-3 NI BURURI WA GAMBIA
Written by Kayu Digital Team on March 21, 2025
- NAIROBI & ENVIRONS 91.0 | MT KENYA REGION 91.1FM
Matanya ma imwana cia bururi cia kagi ka maguru Harambee guthaka himbitano cia World Cup 2026 no mathiite na mbere na gukundera uu ari thutha wa imwana cia bururi kunyitwo kabati ya mbao 3-3 mbitika ya kumatha mweke uyu ni mbutu ya Gambia utuku w aira.
Ni mbitika irari ugeni-ini, kuria imwana cia bururi iracungiririo kuuma na thutha na kuiganania mbao ici, athaki Mohammed Bajaber na Wilson Lenkupae na aria marahingura ngiri cia guthaka mbitika ya kibururi hamwe na captain Micharel Olunga magikunjira Kenya mbao icio ithatu.
Ino nio irari mbitika ya murutani Benni MaCarthy na uria urakororwo wayukia unori wa imwana ici, kibarua gia keri ari ni muthi wa kiumia guku bururi-ini kuria atanyitwo kunyita ugeni imwana cia Gabon na iria kwa ihinda iri gacumbiri ka ngurubu ya F na point 12.
Gabon irahimbitire imwana cia Seychelles na mbao 3-0, kuria Ivory Coast iri namba igiri na point 10 onagutuika ndithakite mbitika imwe na kurumirirwo ni Burunbdi na aria mari na point 7 na aria onao matathakite mbitika imwe riri Kenya iri na point 6.
Bururi umwe oro ngurubu mbitika-ini ici niguo ukugia mweke wa guthaka mbitika-ini cia 2026 World Cup 2026 na iria ikuharirio ni mabururi matatu maria ni Amrica, Mexico na Canada.
