ARIMI A MBEMBE GUTHINIKA, MBEGU IKIONGERERWO MATHOGORA

Onathengia wa thirikari gukorwo iheanite watho wa mbegu cia mbembe ikorwo ikiendio na thogora uria irendagio naguo kimera kia mwaka muhetuku, arimi kundu ngurani nimathiite nambere na gukaya iguru ria wongereri wa mathogora ma mbegu ici.

Arimi kaunti-ini cia Rift Valley kuria kuhandagwo mbembe hamwe na miene ya Nyandarua, Laikipia na kungi maugite mathogora ma mbegu cia uhandi wa mbembe nimongereirwo na uguo kuima aingî ao mweke wa kuugura mbege ici, undu uyu ugiuka onathengia wa mwandiki mukaru wa Ngirigaca Paul Rono akoretwo akiuria kambuni cia wendia wa mbegu cia mbembe itige kuongerera mathogora macio.