PRESIDENT RUTO GUCEMANIA NA MUTHAMAKI WA NETHELANDS KURIA OTHE ERI MATETEIRE NGWATANIRO YA MABURURI MAYA MERI
Written by Kayu Digital Team on March 18, 2025
- NAIROBI & ENVIRONS 91.0 | MT KENYA REGION 91.1FM
President Ruto umuthi niacenirie na Muthamaki wa Nethelands Willem-Alexander na mutumia wake Maxima thingira-ine wa iregi aria mari icera-ine riao guku bururi-ine.
Akiaria mucemani-oine uria utabanirio State House, President ni ateteire ngwataniro yake na bururi wa Nethelands akiuga manyitanire itanya inene ari kweruhia unyitaniri wao sekta-ine ya girigaca gatagati ka mabururi maya meri na niguo gutigirira nginyagia kuri na irio cia kuigana undu uria ugiteithiriri kungethanira na ngaragu iria ikoretwo ikiyumiria mahinda kwa mahinda na oho kwambatiria maciaro na irio na kuhingura thoko makiria.
Mwena-ine wake Muthamaki wa Nethelands augite ati unyitaniri wa bururi wa Nethelands na Kenya ni murumu na oho kuuga ati ari na witikio na rucio rwa kenya.
Ongereire ati ota raia aria angi mabururi-ine mangi akenya onao no marenda guthikagiririo na oho wendi wao ukorwo ugikinyanirio.
Augite bururi wa kenya na Nethelands ni unyitanire maundu-ine maingi na oho kuuga ati akenya ota raia a bururi ungi o wothe nimarenda migambo yao kuiguo kuona gicunji kinene kia akenya ni mbeu njithi na aria mari na hinya gukinyaniria maundu maingi kuri bururi.
