ARUTWO THUKURU-INE CIA THEKONDARI GICIGO-INE KIA RIFT VALLEY KUHIMBIRIA UTHUNDURI
Written by Kayu Digital Team on March 18, 2025
- NAIROBI & ENVIRONS 91.0 | MT KENYA REGION 91.1FM
Kurumirira uruguria wa mutaratara mweru wa githomo wa CBC uthunduri wa maundu maingi riu niwonekete kuuma kuri arutwo aria mareka mathomo maya, wa ica ikuhi uri uthunduri wa macini ya gukurana kana dereba ni akomete riria akuite ethii barabara-ine.
Arutwo aya hindi ya monanio ma mathomo ma science gicigo-ine kia Rift Valley maugite ati kuumana na wongerereku wa mitino ya barabara uthunduri uyu ni uguteithiriria kunyihanyihia mitino iria ikoretwo ikiongerereka na gikiro kinene.
Oho arutwo a thukuru wa Kabianga nimathundurite rurenda rungi rwa kwagirithia mubango wa githomo wa CBC itemine ria guteithiriria aciari na mathukuru kugura mabuku maria marenda na njira ya uhuthu hamwe na mangi maingi.
Ataramu a githomo nimatugiritie undu uyu makiuga ikinya riri ni riguteithiriria arutwo aingi na oho guthinga mianya iria iri ho mathomo-ine ma CBC.
Hamwe na uguo kuri ona macini inge ta cia kuruga kuhuthira hinya wa riua hamwe na mangi maingi.
