MAN U GUTHII NAMBERE NA GUKARANGWO MBITIKA-INI CIA EPL
Written by Kayu Digital Team on February 17, 2025
- NAIROBI & ENVIRONS 91.0 | MT KENYA REGION 91.1FM
Mathina maria magumiire mbutu ya Manchester United hari kagi ka maguru kimera giki nomathiite nambere na kuimbira murutani wa imwana ici mweru Ruben Amorim, uu ari thutha wa imwana ici guthii nambere na gukarangwo mbitika-ini cia EPL, utuku wa ira ikimunyurwo njoya na mbao 1-0 ni Tottenham Hotspur.
Mboa ya muthaki James Maddison dagika-ini ya 13 nio irari ya mumwe na gukurutithia imwana cia Red Devil mahiga-ini dagika-ini ciothe mirongo kenda cia mbitika ino, kironda giki gia kuhimbitwo hari murutani Amorim, na uria urayukirie imwana ici muthia wa mwaka muhetuku gigithii nambere na gutongoria ona makiria.
Nginyagia riu imwana ici cia Old Trafford nicio Manchester Unite iri namba 15 murugamo-ini wa ligi ya EPL na point 29 thutha wa guthaka mbitika 25, undu uria uigite imwana handu-ini haceke hari guthakira hakuhi na namba cia mbutu iria ikoragwo ugwati-ini wa guikurukio ngathi ligini ya Ngeretha.
