IMWANA CIA ARSENAL KUHIUKA NGINYAGIA ITHENYA RIA 2 LIGIINI NENE YA EPL
Written by Kayu Digital Team on January 16, 2025
- NAIROBI & ENVIRONS 91.0 | MT KENYA REGION 91.1FM
Imwana cia mikel arteta arsenal aka the Gunners, niciimathiire kanya ga kuhiuka nginyagia ithenya ria keri hari murugamo wa ligi nene ya ngeretha epl, na kuminjia kando aria marethunuragira ithenyaini riri Nottingham Forest. Arsenal na aria mamburaniite ngimithurano 21,mamathiite pointi 43,matigitwo ni aria marethunurira gacumbiri ka ngucanio ici Liverpool na pointi 4,onagutuika Liverpool mari na ngucanio imwe matahimbitaniite kuona marimaniite njaithanio 20.Uu ni thutha wa imwana cia arteta kwambura imwana cia Tottenham na igutha ria mbao 2-1 hari himbitano cia utuku wa ira, kuria Liverpool maigananirie maahinya na kuuma na draw ya mbao 1-1 na Nottingham Forest. Arsenal marageria ouria mahota kunina nyota wa miaka 21 kuuma riria mahiukire na title ya ligi ino ya epl kimera kia mwaka wa 2003/2004.Angi maronanaga ana kwa ana utuku wa ira Everton aria marahumbirwo thoni mbere ya endi kabira ao me mucii ni Aston Villa, kuria mararingirwo mbao 1-0.Undu ota uyu nourecokerire kuria Leicester City marakong’oreirio mucii ni crystal Palace na igutha ria 2 makirite ki ta maai me irutuini. Newcastle marahundurire wolves na mucii na giconoko, thutha wa kumatuthura mbao 3 makirite ki.Hwaini wa umuthi imwana cia Brighton nicitanyitwo kuoha thabari imwe kwa imwe nginyagia kiharoini kia portion road, kuria manyititwo ugeni ni imwana cia ipswich town, magitanywo guthimana maahinya thaa 22:30.Ngarangano ya muthia ya umuthi ikurimanwo gatagati ka Manchester United aka red devils na southermpton thaa 23:00 cia utuku.