KISSA BISIGYE GUTHOMERWO MAHITIA MANGI MA KWAGARARA WATHO WA BIRARU URIA ITUIRO RIKORAGWO RIA GIKUO

Mutongoria wa mung’ethnairo Uganda Kissa Besigye riu ni akuruhanitio na ihitia ria kwagarara watho wa kibiraru na uria mundu o wothe angiwagarara akoragwo agituirwo gikuo. Bisigye akoretwo ari mungethaniri wa President wa Uganda Yoweri Museveni uria ukoretwo utongoria-ini kwa ihinda ria miaka 40 na akorirwo akinyitwo ari guku bururi-ine wa Kenya.

Mutumia wake Winnie Byanyima augite kunyitwo gwake gucogeirwo ni maundu ma kiuteti na onao mawakili ake makiuga thitango ici itire na muthingi oro wothe. Bisiege arathomeirwo thitango ici muthi wa ira mari na Obeid Lutale.

Bisigye akoretwo akingethanira na Museveni ithurano-ini maita mana na maita maya mothe Museveni ni akoretwo akimuhota, na nginyagia no akoretwo akiregana na maumirira ma ithurano ici.Ahuraniri a ihoto cia muingi riu nimorotete thirikari ya Museveni ni undu wa kwagarara ihoto cia umundu, riri nayo thirikari ino ithiite nambere na kuregana na maria iracukirwo.