KIAMA GIA FKF KUUGA NIGIGUTACUKIRIA MAKINYA MARURU ARIA MARATHARIKIIRE MAREFFEREE MWENA WA EMBU

Kiama kiria kiramataga Kabira ka maguru guku bururiini Football Kenya Federation, na kiria gitongoragio ni hussein mohammed,nikirumite kini gikiuga nigigutacukia makinya maruru kuri imaramari iria cironekanire cigitharikira marefferee ngimithuranoini cia Kabira gaka mwena wa Webuye na embu weekend hituku. Hari ndumiriri iria irekereirio ni kamitii ya guthurima mitugo kiamaini giki niyo Leagues and Competitions Committee (LCC),maugiite nimamukirite ndeto cia kuihokeka ciigimainie na ndeto ino, na gugikinyiria kana ga kiumia giki numagukorwo makinyaniirie matua mao megii undu uyu, makiuga nimagatabania mucemanio wa kwanirira matua mao.ciiko ici cirekikire weekend iyo irahitukire, kuria imwana cia ligi ya National Super League cia 3K FC na Kibera Blackstars aria mamburanagira kiharoini kia Moi Stadium, mwena wa Embu undu umwe na imwana cia ligi ya Division One gatagati wa Compel FC na GFE 105 FC aria matuthuranagira kiharoini kia Ilala Stadium mwena wa Webuye matuthurire ngahiha.Ngahiha yambere na iria video cironekanire cikiriunga nendaini cia ukinyaria yambiriirie thutha wa
wa imwana cia mucii gukanikwo mbao 1,kuria video ironania refferee agitharikirwo ni njakara cia maitho matune.imwana cia 3K FC ciatuthukirwo ni marakara thutha wa mbao iria mageretie gukanika 3 ciareganirwo nacio. Nayo himbitano gatagati ka Compel FC na GFE 105 yatuthurire njikaikanio cia miario undu umwe na ngundi kuuma kuri mashabiki mena matukuya,na aria matharikiire na kuguraria referee uria maugaga ena kimenyano,thutha wa ageni GFE 105, gutongoria na mbao 1-0.