THOKO YA OL KALOU KWARAMIO NIGUO KUHEANA MIEKE YA KIWONJORIA

Ngabana wa kaunti ya Nyandarua Kiarie Badilisha nieraniire kunina ngucanio iria ikoretwo ho gatagati ka onjoria a thoko na endia a miariro mwena wa Ol Kalou niciakinya muthia.

Akiaria thutha wa gucerera thoko ino ya Ol Kalou Badilisha augite ekunina ndugamano ino kugerera kwaramia thoko ya Ol Kalou hamwe na thoko ingi kaunti-ini ino na iria augite ni ikuheana mieke makiria ya thoko kuri onjoria othe kaunti-ini ino.

Badilisha aheanite muoroto uyu mweru kuri onjoria thutha wa gucera thoko ithatu kaunti-ini ino, kuria thoko ino ya Ol Kalou ikoretwo iri na ngucanio kwa ihinda, akiuga waramia wa thoko noguo kihonia gia thina uyu guthii nambere, oro ho oritie ngari cia ukuui gwitikira kuhuthira thitinji iria njake kuiga athii niguo kuhitana na muthianiriro na mitino ya ngari gatagati ga tauni ya Ol Kalou.