RAILA ODINGA KURIKA NDERETI-INI YA KUHITANIRA GITURUA KIA AUC, ETHIOPIA UMUTHI HWAI-INI

Muthia muthia thutha wa gwakiriria kambiini cia giturua kia utongoria wa ngwataniro ya mabururi ma Africa, mutongoria wa mung’ethaniro bururi-ini Raila Odinga niatanyitwo kunyitanira na andu eri ndereti-ini ya muanya ya kuhitanira giturua giki muthenya wa umuthi.

Ni ndereti ithaganitio gutabanio mucii-ini wa Addis Ababa, Ethiopia ari nikio giikaro kinene kia mabururi ma Africa na iria irakurikana ta ‘Mjadala Afrika’ na iria itanyitwo kuhurwo cambi thaa imwe cia hwai-ini nginyagia thaa ithatu cia utuku mathaa ma bururi wa Kenya atongoria aya atatu oro mundu agikinyaniria kioneki giake hari utongoria wa Africa.

Tiga Raila Odinga kuuma Kenya na uria uronekana ari githuri mbere hari uyukia wa giturua giki kuri na mung’etheri wake munene na uria ni Mohmoud Ali Youssouf wa Djibouti na Richard Randriamandrato wa Madagascar, atatu aya oro mundu akigeria kuiguthia gitaru kia Africa wagiriru wake wa gutongoria Africa kuuma mwaka uguka.

Ithurano cia giturua giki ithaganitio gutabanio mweri wa keri mwaka uguka wa 2025, kuria atongoria a mabururi ma Africa matanyitwo gucuka ciao gucagura nuu ukuyukia giturua kiria kiri na Moussa Faki na uria utungata wake wa miaka inana urakinya muthia mweri wa keri mwaka uguka.

Maya maroka riri president wa Gambia na uria uri icera guku bururi-ini Adama Barrow akinyiririe unyiti mbaru wa ODinga mito-ini yake ya gutongoria Africa mwaka uguka.