‘ATHURI ITIKIRAI KWIITURURA MBERE ANDU ARIA ANGI’, KAUNTI KOMICHINA NYERI GUIKIA RITANA
Written by Kayu Digital Team on December 13, 2024
- NAIROBI & ENVIRONS 91.0 | MT KENYA REGION 91.1FM
Riri ngero cia kwiruta muoyo gatagati ka athuri kaunti-ini ya Nyeri ikoretwo ikiongerereka matuku ma ica ikuhi, thirikari ni iikitie ritana ria athuri aya gwitikira kwiyaragia handu-ini ha gukinyaniria makinya ma kwiruta muoyo.
Ni ritana riikitio ni kaunti komichina wa Nyeri Ronald Mwiwawi, akionania mucao wake iguru rigie wihiriria wa ciiko cia kwiruta mwoyo hari athuri akuru mwena uyu, kuria ahithuritie niaritie gwathana maabitha wathani matura a thirikari kwarukana na uthikiriria w amathina maria mari na athuri handu-ini ha kugera gacira gaka.
Mwerekera uyu wa thirikari kugerera honge cia wathani wa matura ukite thutha wa ciiko cia wiruti mwoyo hari athuri kwirikana gukorwo iri iguru kaunti-ini ino ni maundu maria marerikana gukorwo maumanite na mathina ma kimeciria.
Aritie maya riri ningi akinyiririe mukana mururu kuri aria marenda kuhundura ciiko cia uhagiri na wendia wa njohi cia ibango kaunti-ini ino akiuga honge cia wathani wa matura iri mateti kuhitana na ciiko ici.
