NDUMIRIRI YA PRESIDENT RUTO HINDI YA MAMBURA MA JAMHURI.

Bururi ni uhitukiire ihinda iritu, riria ricungiriirie kwambatira kwa ngarama ya uturo, wagi wa mawira hamwe na mangi, idi thirikari ya Kenya Kwanza kuhitukira mibango ya Bottom Up ni ithiite nambere kuruta wira na njira ngurani kuhitana na mathina maya.

Presidentt William Ruto niwe ugiite uu akiaria hindi ya igongona ria ukunguiri wa wiyathi kuria atariirie maundu ngurani maria thirikari yake irerahira gukinyaniria kuri muingi.

Ari ta njira ya kuhitana na ng’aragu bururi-ini thirikari ni iigithiitie sekta-ini ya ngirigacha undu uria uteithiriirie arimi ona kugunika na urimi ngurani ta wa kahua, macani , iriia , urimi wa mbembe hamwe na mangi.

Kuhitukira mubango wa Hustler funds Ruto augite kigina kia makiria ma 60B nikihuthikite kuguna onjoria ona muingi na njira itiganite na kugacirithia miturire yao.

Ihinda-ini riu niagathiriirie uigithia ndenda-ini cia ukinyaniria akiuga kuhitukira mubango uyu thirikari ni ihurite wonjori a makiria.

Na akimurika uhoro wigimainie na ugima wa mwiri Ruto augite mubango wa Taifa Care wandikithitie makiria ma akenya 11M, na thirikari ugutigirira muingi wothe niweyandikithia niguo ukorwo ukigunika na motungata ma ugima wamwiri gutari muthutukanio

Kaunti cia Kirinyaga , Lamu, Nandi hamwe na ingi ,ni iria Ruto augite itongoretie wiyandikithia-ini wa mubango uyu wa Taifa Care.

Ihinda-ini riu niatugiritie waki wa nyumba cia raithi, wandikani wira kuri arimu, uheani wa mawira , gukura kwa sekta ya miako hamwe na mangi.