EBENYO NA CHEPNGENO KUHOTANA IHENYA RIA GUTUA NGONGO BOMET
Written by Kayu Digital Team on November 30, 2024
- NAIROBI & ENVIRONS 91.0 | MT KENYA REGION 91.1FM
Daniel Ebenyo Simiyu na Viola Chepngeno nio ahotani a ihenya ria gutua ngongo ria Bomet Cross Country maria matabaniirio kiharoini kia ndege kia Bomet umuthi tariki 30/11/2024.Ebenyo arikirie ihenya riri na 32:25.29 akihota Edwin Bett uria urikirie na 32:33.73 akirumirirwo ni Peter Tuitoek uria urikirie ihenya riri na 32:54.05, Ebenyo augite ihenya riri nrimuteithiriirie na njira nene kwihariria niundu wa mahenya ma mwaka ukite wa 2025.
Mwena-ini wa atumia Chepng’eno kuma kambi-ine ya guibundithiria mahenya ya kirenget niwe utongoririe akihuthira 37:06.68. akirumirirwo ni Sandrafelis Chebet uria urikirie na 37:30.15 riri nake Joyline Cherotich arikirie namba-ini ya gatatu na 37:40.25
Ihenya-ini ria kilometre 6 ria airitu aria mari rungu rwa miaka 20 Florence Chepkoech niwe urikirie wambere rungu rwa 21:48.8 akirumirirwo ni Alice Chemtai uria umurumiriire na 21:51.5 nake Cynthia Chepkirui akinyitirira namba ithatu akihuthira 21:59.4. . Chepkoech augite ihenya riri ritiuma ihuthu kurumirira mbura iria ikoretwo ikiura na gutiga ndoro nyinge kiharo-ini oho nierigiriire gugatenyera mahenya-ini ma Chepsaita Cross Country
Ihenya-ini ria anake aria mari rungu rwa miaka 20 ria 8km Emmanuel Lemiso na 26:17.26. niwe urikirie ari wa mbere akirumirirwo ni Clinton Kimutai uria urikirie rungu rwa 26:30.57 nake Brian Kiptoo arikia namba ithatu rungu rwa 26:30.89.
