ANDU 27 GUKUA MUTINO-INI WA MERI NIGERIA

Andu 27 nimakuiriire mutino-ini wa meri iria iraguire rui-ini rwa Niger Bururi-ine wa Nigeria riri nao makiria ma 100 matari maramenyeka kuria mari aingi ao mari atumia. Kuringana na riboti cia ruhonge  ruria rutabanagia mihango ya uhonokia bururi-ini ucio, meri ino irakuite andu 200 na irathiaga mwena wa Niger yumite Kogi riria irakorirwo ikigua.

Ruhonge ruru no rugite ati rungu rwa mathaa 12 gutiri mundu uhonoketio ari muoyo. Utongoria wa bururi uyu ndutariirie gitumi kia meri ino kugua no kuringana na riboti cia andiki a mohoro ni ati Meri ni irakuite gukira uria yagiriire gukua. Ukui mugaru na muigana wa uria meri ibatie gukua wonekete gukorwo uri undu wa mutugo kuona bururi uyu niwirikanite gukorwo utari na barabara njagiriru cia kuhuthika.

Mitino ino irerikana gukorwo ikumana na kwaga kumenyererera meri na gucirora mahinda kwa mahinda na oho meri nyinge gukorwo ikithondekerwo Bururi-ini ucio niguo igakuua andu aingi.