THIRIKARI KUURIO IRUMIRIRE MAWATHO MA UROGOTI WA MAGOTI

Riri mihango ya kuoya mawoni kuuma kuri akenya uhoro-ini wigie magoti maria thirikari irarogota kuuma kuri akenya ikirie gukinya muthia, ruhonge ruria ruramataga ukui wa ndege rwa Kenya Association of Air operators niruritie thirikari ikorwo ikirumirira mawatho ma urogoti wa magoti ma kimabururi maria mahuthagirwo thektaini ino oro undumwe na mabururi maria Mari gitaru-ini kia Africa ya Irathiro rungu rwa East African Common External Tariff.

Ruhonge ruru rurera kamiti ya mbunge ati angikorwo thirikari nigukorwo ikirumirira gacira karia igerete yaga gukorwo igicoka thii ruhonge ruru ukiringithani na haria ruri thaici.

Ruhonge ruru rugite mathina maria mekurumirira wona magoti maya mongererwo megukorwo mari maingi mamwe mamo ari kuongerereka mathogora ma ndege kuona thirikari niyendekithitie kuongerera VAT na gicunji kia 16 kuri indo cia ndege iria irauma nja wa bururi na motungata mangi kuma nja wa bururi.Mongereire ati aigithia na agendi maya kunyiha kuona tigiti wa ndege ni ukwabatira na gicunji kinene.
Ruhonge ruru rwa ukui niruhotete kuheana mieke miinge ya mawiira na uguo ni ruhonge akenya aingi marorete iguru. Oho nimatugiritie mutongoria wa bururi ni undu wa kurugamia kandarathi ya ADANI.