KTDA KUREKERERIA BATARAITHA TA MUTHIA KURI ARIMI KIUMIA GIGUKA

Ikereka rîa muthia ria unyagia wa bataraitha ya muthia kurî arîmi a caai bûrûri-inî niritanyitwo gukinyaniria kiumia gîguka.

Kuringana na ndumiriri ya kambuni ya caai ya KTDA nîatî kiumia kia mbere kia mweri wa December nimegukunjura bataraitha ya muigana wa tani 8,000 na îrîa iratigarite kuheo arimi hari tani 96,988 na iria kambuni îno yari utambarukie kurî arîmi kimera gîkî.

KTDA ndumiriri -inî yao ninikiranite thirikari ni kuheana thairira ya mbirioni 2 hari mîtaratara uyu, igikinyiriria ikinya rîrî nirihotithitie arimi kuharurukirio mathogora ma bataraitha kuuma 3,400 nginyagia 2,500 hari oro muhuko wa bataraitha wa kilo 50.