ENE THUKURU WA SILVER BELLS ACADEMY GUKINYIO IGOTI-INI, ELDORET
Written by Kayu Digital Team on October 31, 2024
- NAIROBI & ENVIRONS 91.0 | MT KENYA REGION 91.1FM
Arugamiriri eri a thukuru kiumbe wa Silver Bells Academy kuuma Eldoret na aria maranyitikanire na mahitia ma kwaga kwandikithia arutwo 23 a thukuru guikarira kigeranio gia KPSEA nimakinyio igoti-ini umuthi.
Eri aya ari ni Margaret Atwoli Indasi na Donald Wikana Lumwaji makinyirio mbere ya igoti ria Eldoret, mucirithania Dennis Mikoyan agiathana aya mahingirwo nginyagia muthenya wa ruciu riri igoti rigakinyaniria itua ria kana nimakarekererio na bondi kana aca.
Eri aya maranyitirwo muthenya wa ira thutha wa gukorwo ati arutwo aya matinagia na mweke wa guikarira kigeranio kia grade ya gatandatu kuona matirari andikithitie na kanju ya igeranio KNEC na oho thukuru uyu ndurari ceceni ya igeranio rungu rwa KNEC.
Makiria ma uu thukuru uyu niurikitie gukurikana ndurari wandikithitio kuuna na ministry ya githomo, riu uthuthuria waguo ugithii nambere.
