MUNOORI WA KIRABU KIA MANCHESTER UNITED TEN HAG KUINAMIRIO KARAMU

Thiku imwe thutha wa kuinamirio karamu gatune kwa munoori wa imwana cia Manchester United Erick Ten Hag, kurumirira maumirira mooru maria kirabu giki kirathiite nambere na kurekereria, riboti cia ati urugamiriri wa kirabu giki niwaraniirie na munoori wa imwana cia sporting ruben Amorim niguo guthinga ithenya ria Eric ten hag nicitambiite na njira nene nendaininendaini. No onakuriouguo Ruben augiite gutiri riboti ta ino amukiriite kuuma kuri urugamiriri uyu, na gutiri ngirimiti oyothe mekiraniire na kirabu giki, onathengia wa sporting kwanirira me ceba kuriha munoori uyu kimanjika giake gia Euro milioni 10 Iria ni muigana wa Dolla mirioni 10.79.Maya mothe meyumiritie thiku imwe thutha wa Erick Ten hag kuminjio nja ni kirabu giki, thutha wa red devils guithimindira ithenya ria 14 hari murugamo wa ligi nene ya ngeretha EPL. Kuringana na Manchester United, mareciragia munoori uyu niegwitikira gukorwo ekiraniire kirore ngirimiti nao gugikinyiria muthenya wa kiumia giki, hindi Iria matanyitwo kunyitana mashati na imwana cia the blues kiharoini kia old Trafford, no munoori uyu araimba na kurega kung’athuka ciigii ndeto ino. Akiaria thutha wa imwana ciake kuhiuka na uhotani wa mbao 3-1 makirimina na imwana cia Nacional ngumuthiranoini cia Portuguese league cup gikiroini gia quater finals Amorim augiite aheo ihinda ria kuigana ethuthurie one kana nieguitikira gutungatira imwana cia red devils. Amorim hau kabere atungatagira imwana cia Benfica na portugal eta mututhurani wa karaini ga gatagati, na oho niateithiriirie imwana cia Benfica kuhiuka na uhotani wa ikombe 3 cia ligi. Utuku wa umuthi imwana ici cia red devils cigukorwo cigitungata citari na munoori ngumuthiranoini cia carabao cup, kuria makunyitana mashati na imwana cia Leicester City ciehanda thaa
10:45pm.Maitho mothe merekeirio kuri imwana ici, niguo kuona kana nimekuhotana ngqrangano ino.