KENYA KUHOTANA NGUMUTHURANO-INI CIA UTUTHURANI WA NGUNDI CIA AFRICA BOXING CONFEDERATION CHAMPIONSHIPS

Bendera ya Kenya niiratugiririo na njira njega makiria ngumuthuranoini cia ututhurani wa ngundi cia Africa boxing Confederation championships, iria cirarimanagirwo mwena wa Kinshasa bururiini wa democratic of Congo, na gucokereria ururu wa himbitano ici cia ngundi guku bururiini.Timu iria irarirukagia bendera ya Kenya iramathiire bururi ngoga 8,imwe ya thahabu, 2 cia silver na 5 cia ruthuku, na oho maratirihire himbitano ici mari namba 3 hari murugamo wa umathi wa ngoga. Bururi wa Morocco na atabania a ngucanio ici Drc nimo mabururi maria marethunuriire gacumbiriini, mamaathiite ngoga 21 hari O bururi. Umaathi uyu wa ngoga niwuikiitie bururi mbere makiria gukiringithanio na himbitano cia mwaka muhituku iria ciarimanagirwo mwena wa Yaounde, kuria bururi wa Kenya watirihire uri namba 17 mamathiite ngoga 7 tu cia ruthuku. Ngoga ya thahabu ya bururi wa Kenya mwena wa kinShasa iramathirwo ni boniface mugunde na uria unanagio ta the hammer, thutha wake kuminjia nja Nestor Nduwarugira wa bururi wa Burundi hari ukimithurani wa ngundi cia light-middleweight, undu uria uraniniire Kenya nyota wa miaka 7,kuona ria muthia mamathire uhotani uyu kwari mwaka wa 2017,hindi iria Nick Okoth ahiukire na uhotani wa lightweight division, thutha wake kurima reda benbaziz wa bururi wa Algeria nduthurano iria ciatuthuranagirwo bururiini wa Congo. No onakuriouguo Kenya maratigirie ha nyeni na marigu kuhiuka na uhotani ungi wa ngoga ya thahabu, iria irari imathwo ni njorua ya nduthurano cia Mandera Africa boxing cup Elizabeth Adiengo, uria uracomorirwo irio ciri kanua ni hasna larti wa Morocco nduthuranoini cia lightweight division, akiuga uyu niguo undu uria munene wikikiite ututhuraniini wake, onagutuika ndarari na wiki otiga guitikira na githii nambere, na oho kuhiuka na ngoga ya silver.Clinton Macharia na uria urarimanaga ngumuthurano ciambere cia kimabururi, aramathiire Kenya ngoga ya silver nduthuranoini cia fierce super heavyweight. Ngoga cia kenya cia ruthuku ciramathirwo ni amina Martha, Abednego kyalo, Shafi bakari, vincent achieng na Robert okaka, kuria othe maramathiite kanya ga kwamburana gikiroini kia semi finals no mqraminjio nja.