MUTHENYA WA KEERI WA UNGANIA WA MAWONI MA MUINGI.

Muthenya wa umuthi ungania wa woni wa muingi ndereti-ini ya kana munini wa mutongoria wa bururi Rigathi wa Gachagua niabatii kuhagurwo kana caa no iguthii nambere guothe bururi-ini

Ni mihango icabithitio mbunge-ini ya Gibururi ni karani wa mbunge ino Simon Njoroge, thutha wa igoti inene ria Keruguya kuruta watho wa muingi bururi-ini ,uheo kanya ga gutabania woni wao itina-ini ria keri

Murugamiriri wa atumia kaunti-ini ya Kirinyaga Njeri Maina muthi wa iyo, niwe wathiire igoti-ini akienda rituithanie kana ungania wa woni wa muingi no utabanio na thiku imwe , agiteta na kuuga ihinda ria kumenyithia muingi njira cia kuruta mawoni rirari ikunderu, undu uyu ugicungiriria mucirithania Richard Mwongo gwathana ihinda riri riongererwo

Gukiri uguo mwandiki munene kiama-ini kia Jubilee niamenereirie mihang’o ino akiuga itanyite gucugira nguui , na utanyite kweheria muingi kuumana na maundu maria thirikari ireka