MUINGI GWIKINYIA CIUNGANO-INI CIA KWARIRIA DP GACHAGUA
Written by Kayu Digital Team on October 4, 2024
- NAIROBI & ENVIRONS 91.0 | MT KENYA REGION 91.1FM
Makiri ma muingi kuuma matura ngurani nimeyumiritie kundu ngurani niguo kuheana mendikithia mao hari ndereti ya kuhagura munini wa president Rigathi Gachagua na iria itengemanitio mbere ya bunge ya kibururi.
Na ta uria ndereti ino igayanitie atongoria, muingi onaguo noguo ugayukanite, amwe makinyita mbaru ndereti ino riri angi monekanitre gukinyiriria atongoria Rigathi Gachagua miario iria akuruhanitio nayo ya ugayania wa muingi.
Onagukiri hari aria maranyita mbaru munini wa president maugite tigiti wa utongoria wa bururi macagurire andu eri, na uguo hari bata mathii nambere na gutungata kana kwarema mainuke hamwe.
Ciikaro ici irathii nambere guothe bururi-ini kugerera kaunti 47, guku Nairobi muingi ugikinyaniria guthii nyumba-ini ya micemanio ya Bomas Nairobi.
