NGUMUTHURANO CIA MBEU NJITHI THI NG’IMA

Ari njira ya guthii nambere na mehariria ma ngumuthurano cia thi ng’ima cia mbeu njithi a thi wa miaka 17, nyarari cia guku bururiini na iria Cirarirukia bendera ya kenya nduthuranoini ici Junior Starlets,kwa dagika ici nimarika kiharo hari ngumuthurano yao ya 2 ya kiurata, kuria mararimana na timu ya CF Intercity Femenino,ngimithurano iria yanyitanwo mashati kwambiriria thaa 5:30 cia hwaini, na irimimindanirwo kiharoini kia Albir Grounds mwena wa Alicante, Spain.Junior Starlets muthenya wa Friday ya kiumia kihituku, manyitaniire mashati na nyarari cia Bururi wa Portugal na makiuma na draw yam bao 1-1, himbitano iria yamburanagirwo kiharoini o giki kia Albir Grounds. Portugal nio mambiriirie kuonania maruru mao na kugathika mbao yao yambere dagikaini 24,kuria junior starlets maremirwo ni kugathika mbao ya maiganania hari first half,no macokereria 2nd half Joan Ogola akimagathikira mbao ya maiganania dagikaini ya 60. Kiumia kiu kirahitukire Junior Starlets nimaracomorete ndwara na kuonania mayu mao, kuria marabirabiriite nyarari cia Valencia CF Women na igutha ria mbao 4-1, hari himbitano ya kiurata iria yonanirwo ana kwa ana gatatu ga kiumia kihituku kiharoini kia Ciudad Deportiva del València CF grounds.Mbitika ici cia kiurata niciabata makiria hari nyarari ici cia junior starlets, kuona niciguteithiriria kurunga mahitia maria marari namo, mbere ya kunyitana mashati himbitanoini cia thi ng’ima, iria mararimanira bururiini wa Dominican Republic, na iria cikahurwo cabi tariki 16 mweri uyu ungi wa 10, na ciumburanwo nginyagia tariki 3 mweri wa 11 mwaka uyu.Starlets makarumania na England tariki 18 mweri wa 10, mahimbitane na Korea DPR tariki 20 mweri oucio, mbere ya matirihiite ngumuthurano ciao cia makundi na Mexico tariki 24 mweri ucio wa 10.