MAN U KWONIO NGANGA MBUTE NI IMWANA CIA TOTTENHAM IRI MUCII

Mathina maria magumiire murutani wa Manchester Unite nomathiite nambere na gwithecerera uu ari thutha wa imwana ciake kuribaribwo na mbao ithatu gwa kabuti hwai wa ira ni imwana cia Tottenham Hotspur.

Mbao cia athaki Brennan Johnson dagika-ini ya 3, Dejan Kulusevski dagika-ini ya 47 na Dominic Solanke dagika-ini ya 77 nicio irari mucamiri wa muthia hari imwana cia Eric Ten Hag na uguo gwakiriria urugari makiria hari murutani uyu, kuona ino irari mbitika ya keri kirumaniririo kiharo-ini kia mucii kuuma mwaka-ini wa 2021 hari imwana ici kurihwo itekuingiria mbao ona imwe.

Mathina ma imwana ici marakiririe irihiytwo mbao imwe tu, thutha wa muthaki na captain wacio Bruno Fernandes kuhdeo kandi ndune dagika-ini ya 42 na uguo kurituhia kagi ka imwana ici guthii nambere.

Kumana na gutandikwo guku riu imwana ici iri namba 12 na point mugwanja thutha wa guthaka mbitika ithathatu, ligi iria riu itongoretio ni imwana cia Liverpool na point 15 na kurumiriirwo ni imwana cia Manchester City na Arsenal na aria manyitaniire point 14.