THIRIKARI GWAKA IRATHI NGIRI 18 CIA MATHOMO MA GRADE 9
Written by Kayu Digital Team on August 5, 2024
- NAIROBI & ENVIRONS 91.0 | MT KENYA REGION 91.1FM
Riri thirikari irehariria ikereka-ini ria mathomo ma CBC grade-ini ya 9 kuuma mwambiririo wa mwaka uguka, mutaratara wa gwaka irathi 18,000 thukuru-ini cia thirikari niguo kuhura njeki mathomo maya niwambiririe kuuna.
Uu ni kuringana na mwandiki munene wa ministry ya githomo Dr Belio Kipsang na uria ugite irathi 11,000 irakwo ni thirikari unyitaniri na ikundi ngurani cia uteithio riri nacio irathi 7,000 irakwo kugerera kigina kia ukuria wa matura nikio NG-CDF.
Makiria ma uu Kipsang akiaria ari tauni-ini ya Eldoret niahithuritie kuri na mutaratara wa kuongerera namba ya arutani kuuma ngiri 56 aria mari kuo na arutani angi ngiri 20, akiuga mworoto munene nigutigirira arutwo aya makiingira grade 10 mwaka-ini wa 2026.
