UTHURIM I WA MAMINISTER KUINGIRA THIKU YA KANA KURIA OPARANYA NIWE UKURIIRWO MAITHO MAKIRIA
Written by Kayu Digital Team on August 4, 2024
- NAIROBI & ENVIRONS 91.0 | MT KENYA REGION 91.1FM
Mihango ya guthurima wagiririku wa maminister amure Mbungeine ya bururi nitanyitwo gukorwo igithie na mbere muthenya wa umuthi na uria ugukorwo uri muthenya wa muthia gutabania mihango ino iria yanjirie muthi wakana.
Maminister amure atano nio megukorwo makiigirirwo kabiru na aria ni hamwe na Wycliif Oparanya uria wendekithitio gutuika minister wa thothaiti, ngabana wa tene wa Mombasa Ali Hassan Joho akiendekithio ministry-ini ya ugethi wa mahinga ma goro , Uria wari munene wa watho Justin Muturi agithurimwo gutuika minister wa Utungata wa Muingi, Stella Langat ministry-ini ya gender na Alfred Mutua agithurimwo gutuika minister wa uruti wa wira kana Labour.
Riri aya atano marehariria gukorwo makihungwo mahuri nigukoretwo na ndereti igie uigiriiki wa amwe ao aria ni ta Wycliif Oparanya thutha wa ruhonge rwa kurua na ungumani Bururini EACC gukorwo rukiuga ena macira igotini na maria marikitie gukorwo makieherio ni ruhonge rwa DPP niundu wa wagi wa uira wa kuigana.
Riu Oparanya kugerera mawakiri ake niarikitie guthie igotini agithita ruhonge rwa kurua na ungumania niundu wa kiria augite nikumuthukiria ritwa mbere ya muingi.