ALI HASSAN JOHO GUTHII NAMBERE NA GUTHURIMWO UMUTHI
Written by Kayu Digital Team on August 4, 2024
- NAIROBI & ENVIRONS 91.0 | MT KENYA REGION 91.1FM
Mihango ya guthurima maminister aria matigarite atano ni yanjitie muthenya wa umuthi uri muthia kuma riria mihango ino yanjirie muthii wa kana.
Ngavana wa Tene wa Kaunti ya Mombatha Ali Hassan Joho niwe uhingurite tabarira ino akiuga niegukorwo e minister wa guthikiriria na kunyitanira na anyiti itemi niguo gukorwo agiuka na mitaratara iria yagiriire ni guo gukorwo agikuria ministry ino ya ugethi wa mahiga ma goro na wonjoria wa maiini.
Joho augite bururi wa Kenya uri o thutha ukiringithanio na maburiri maria mangi gitaruini kia Africa akiuga ministry ino ikoragwo igiteithia utonga wa bururi na gicunji kia imwe hari igana na ari na matanya ma kwambatia ndari ino ta maburiri mangi maria me gicunji kia ikumi hari igana kumana na umathi wa mahiga ma goro na wonjoria wa maiini.
