FKF, kwanirira tariki cia igeranio cia agents a kabira ka maguru.

Kiama kiria kiramataga maundu ma kabira ka maguru guku bururiini fkf, nikianiriire tariki cia igeranio cia agents a kabira ka maguru, na iria cirekwo ciri cia 4 na cia 5 nicio fifa agents exams. Igeranio cia mwaka uyu wa 2024,cigatabanio tariki 20 mweri wa 11 mwaka uyu, kuria nacio cia mwaka wa 2025 cigatabanio tariki 21 mweri wa 5 mwaka uyu ungi.Aria marenda guikarira kigeranio kia mweri wa 11 mwaka uyu wa 2024,matanyitwo kuneyana marua mao ma guikarira kigeranio giki kwambiriria tariki 19 mweri uyu ungi wa 8,nginyagia tariki 4 mweri wa 10 mwaka uyu. Aria nao mareka kigeranio mweri wa 5 mwaka wa 2025,gatirica ka mweke wa guikia ihoya riao gakahingurwo kwambiriria tariki 13 mweri wa January mwaka uyu ungi, nginyagia tariki 28 mweri wa 2 mwaka uyu ungi. Aria maramatha kanya gaka mabatii guikia ihoya riao kuhitukira rurenda rwa fifa agent, kuria memba a fifa magathurima marua macio niguo kuona aria makinyaniirie ikiro icio. Thutha ucio aria makamatha kanya gaka,maikare thi na kamitii ya igeranio cia agents ya fifa, niguo guitikanira nia makumekithia igeranio icio. Kigeranio giki kiria kiroya ihinda ria dagika 60,kiina ciuria 20,iria cirathima kana agent niataukiitwo wega mawatho ma kiama kiria kiramataga kabira ka maguru thi ng’ima fifa, undu umwe na mawatho ma guthama gwa athaki.Niguo uria ureka kigeranio giki kumatha marua ma gukorwo na agent yake ya athaki, nonginya ahituke na gicunji kia 75% , na arutwo mageterera kwa ihinda ria mweri umwe niguo kumenya maumirira mao. Kuuma hau uria wahituka akegwatira license yake ya kuhingura agent yake kuuma kuri kiama gia kabira ka maguru thi ng’ima fifa, na hau hau agakorwo na rutha rwa kugura na kwendia athaki thi ng’ima.