ARIGITANI A GUTUNGATA ARWARU KWIHITA GUTHII NAMBERE NA MUGOMO WAO
Written by Kayu Digital Team on June 11, 2024
- NAIROBI & ENVIRONS 91.0 | MT KENYA REGION 91.1FM
Riri mugomo wa arigitani a gutungata arwaru urikitie kuingira muthenya wa 72, maabithaa anene a kiama kia arigitani aya a gikiro gia Clinical Officers nigikinyiririe gitigucoka na thutha hari mugomo wakio nginyagia maundu maria mendekithitie makorwo makihingio.
Kugerera maabithaa anene a kiama giki ari ni muikariri giti Peterson Wacira na mwandiki munene George Kibore maugite matigwitikira kuhunda na wira-ini mathina mao maturoretwo ni thirtikari kugerera ministry ya urigitani, ari ni hamwe na wambatiria wao wa ngathi, uiganania wa micara yao na aria mandikitwo wira uyu gutura hamwe na kwandikwo wira ta maabithaa aria angi wa gutura thirikari-ini.
Murugamo wa maabithaa aya ukite thiku imwe tu thutha wa thirikari kubuta arutani a JSS aria marari mugomo-ini, arigitani aya makiuga mugomo wao ni uthingatanite na watho wa uruti wira, na uguo matiiharirie kuhunduka wira maundi maria marenda mataiguithanirio kuuna.
