SAKAJA NA GAKUYA KUNG’ETHANIRA UTONGORIA-INI WA UDA NAIROBI

Ithurano cia matura kiama-ini kia UDA guku Nairobi igitanywo kuhanika muthi wa gatano, abunge athure rungu rwa kiama giki Nairobi nimakinyiriirie kambî-inî ciao hari mubunge wa Embakasi North James Mwangi Gakuya gukorwo arî muikariri giti wa kiama giki guku Nairobi.

Gakuya na uria urikitie kwanîrîra mîto yake ya gutongoria kiama giki Nairobi arang’ethanira na Ngabana wa kaunti ya Nairobi Johnson Sakaja, kuria abunge othe athure na kiama kia UDA makinyiriirie kunyita kumunyita mbaru, guku nake Sakaja akinyitwo mbaru ni amwe a MCAs a bunge ya kaunti Nairobi rungu rwa kiama kia UDA, murugamo uria wonanitie kwaya kugia na mung’eng’ano munene wa gîturua giki kia utongoria wa UDA Nairobi.

Tiga Nairobi kaunti ingi 6 bûrûri-inî nîritanyîtwo kunyita itemi ithurano-ini ici na îrîa nicia ikereka ria mbere hari kiama giki matura-ini.