Current track

Title

Artist

THIRIKARI KUREKERERIA KIGINA GIA MBIRIONI 2.4 HARI ARUTWO ARIGITANI BURURI-INI

Written by on April 3, 2024

  • NAIROBI & ENVIRONS 91.0 | MT KENYA REGION 91.1FM

Arutwo a kwinora urigitani aria makoretwo metereire kuheo mweke wa kwinora ciigie urigitani mathibitari-ini ma muingi kana nio Interns nimatanyitwo kuroka kwambiriria mihang’o ya kuoya marua ma gukinyaniria mutaratara uyu muthenya wa umuthi ministry-ini ya ugima wa mwiri.

Uu ni thutha wa thirikari kwanirira ni irikitie kurekereria kigina kia ciringi mbirioni 2.4 niguo kunyitirira mihang’o ino hari arutwo aya arigitani a mwaka wa 2023/2024 ta uria yathiriirwo ni kamitii ya utungata wa micara hari aruti wira a thirikari nio SRC.

Hari ndumiriri munene wa utungata wa muingi thirikari-ini Felix Koskei augite thirikari ni ihoterete kunina ndugamano ciothe cia utungata wa urigitani bururi-ini, na uguo kuria kiama kia arigitani kunina mugomo wakio ta uria giathitwo ni igoti.

Maya mokite riri kiama kia arigitani kugerera mwandiki munene wakio Dr Davji Atellah gikinyiririe maundu mothe ikumi na maria makunjurite kuri thirikari no nginyagia marorwo, undu uyu ukionania uthararu wa utungata no uguthii nambere, umuthi ari muthenya wa miringo iri na imwe wa mugomo uyu.


Current track

Title

Artist