JACOB ZUMA GUTETIA IKINYA RIA KUMUHINGIRIRIA ITHURANO-INI CIA SOUTH AFRICA
Written by Kayu Digital Team on April 3, 2024
- NAIROBI & ENVIRONS 91.0 | MT KENYA REGION 91.1FM
Uria wari president wa bururi wa South Africa Jacob Zuma niacoketie cira wa kugiririo kurugama ithurano cia bururi uyu ni kamitii ya ithurano na mihaka riko.
Zuma na uria wina ukuru wa miaka 81 aracoikirie cira uyu igoti-ini ringi niguo kuregana na ikinya riri, akiuga kamitii ino ni iragarara kihoto giake gia kiuteti kugerera kumugiriria kuhitanira giturua kia ubunge bururi-ini uyu.
Zuma ari president wa bururi uyu gatagati-ini ka mwaka wa 2009 nginyagia 2018, kuria matanya make ma gucoka bunge ya bururi utyu kugerera kiama giake kieru mararingire igutha kiumia kihetu thutha wa kamitii ya ithutano na mihaka IEC kuuga arari akundikitwo kioho kia mieri 15 thutha wa kuagarara watho wa igoti na uguo kumuhingiriria mweke wa ithurano cia mwaka-ini uyu.
Kiwatho bururi-ini wa South Africa mundu wohetwo makiria ma mieri 12 ndakoragwo na mweke wa kuhitanira giturua oro giothe kia utongoria.
