ANDU MATANYIHIIRE 7 GUKUA TAIWAN THUTHA WA GITHINGITHIA KINENE KUHUTIA BURURU UYU
Written by Kayu Digital Team on April 3, 2024
- NAIROBI & ENVIRONS 91.0 | MT KENYA REGION 91.1FM
Andu mugwanja nimekiritwo mukonde gukorwo makuite bururi-ini wa Taiwan thutha wa githingithia kia uritu wa 7.4 kuhutia bururi uyu.
Hari ndumiriri kuuma bururi uyu na uria uri gitaru-ini kia Asia, andu makiria ma 77 nimerikanite mari matigari-ini ma miako iria irikirie kumomoka bururi-ini riri nao makiria ma 700 marikitie kuhonokio na gutwarwo thibitari-ini itiganite cia bururi uyu.
Kumana na githingithia giki, mabururi ta China na Japan nimeranire uteithio wao kuri mbutu cia uhonokania cia Taiwan na iria ikoretwo mihang’o-ini ya guteithura aria mahatite miako-ini itiganite na iria ihutiririo na njira nene ni githingithia giki.
