KALONZO KUNG’ETHERA THIRIKARI IGURU RIA RIBOTI YA NADCO
Written by Kayu Digital Team on March 31, 2024
- NAIROBI & ENVIRONS 91.0 | MT KENYA REGION 91.1FM
Ikinya ria igoti inene ria Kiambu ria kurugamia mihang’o ya urutithia wira wa riboti ya kamitii ya uiguano nirikuruhanitio na njama cia thirikari nene hari kwenda kuaga kurutithia wira mendikithia ma kamitii îno.
Mutongoria wa kiama kia Wiper Kalonzo Musyoka niwe ukinyaniirie murugamo uyu akiuga îno njama yariirwo ni thirikari ya guthinikania riboti îno na makiria guoka ni urutithia wa wira wao kugerera njîra cia magoti.
Miario îno ya Kalonzo na uria wari muikariri gîtî wa mwena wa Azimio hari miario ya uiguano yukite rîrî nake mutongoria wa kiama kia DAP- K Eugene Wamalwa akinyiriirie thirikari ndirenda kugie na utheri wa maumirira ma ithurano cia mwaka wa 2022 hari gîturua kia Upresident, undu uria augite urahithiriirwo kugerera njîra ya ugiriria wa urutithia wira wa riboti ya kamitii îno ya uiguano ya NADCO.
