JACOB ZUMA KUGIRIRIA KURUGAMA ITHURANO CIA UPRESIDENT SOUTH AFRICA

Ithurano nene cia bururi wa South Africa ikiharirio guthaganio mweri wa gatanao mwaka-ini uyu, uria wari president wa bururi uyu Jacob Zuma niagiririo gukorwo akinyita itemi ithurano-ini ici.

Hari ndumiriri iria itunganitio ni kamitii ya ithurano ya bururi uyu nio IEC, kamitii ino yugite nikurari na mateta mbere yao ma kurora uigiririki wa Zuma kuheo mweke kurugama ta mubunge bururi-ini uyu, na thutha wa guthurima watho irona ndagiriire kuona niarikitie gukundikwo kioho kia njera kia mieri 15, na kiria gikirukite mieri 12 iria mundu akoragwo ari na mweke wa gukorwo utongoria wa muingi bururi-ini uyu.

Kiama kiria kiri wathani-ini kia ANC nikio kiandikithitie mateta mbere ya kamitii ya kamitii ya ithurano gikienmda Zuma agiririo kurugama gitirua kia muingi hamwe na kiama giake kia uMkhonto we SIZWE na kiria onakio ANC irenda kigiririo kurugamia atongoria iturua cia ubunge, no indi igoti riraregana na wendi uyu, undu uria wonanitie kiama giki na kiria gikoretwo kirehete urugari kuri kiama kia ANC na kiria kiri thirikari rungu rwa poresident Cyril Ramaphosa na uria.

Zuma wa ukuru w amiaka 81 na uria watungatire ta president wa South Africa gatagati-ini ka mwaka wa 2009 nginyagia mwaka-ini wa 2018, na gucoka guthenga wathani iguru ria thitango cia ungumania, akoretwo na nyota wa gucoka utongoria wa bururi uyu, kioho giake kia mieri 15 mwaka muhetuku gikionekana kugiriria nyota uyu kuuna