CS LINTURI; BATARITHA YA THIRIKARI NDIRI NA MARORO MA WUIGIRIRIKI ONA HANINI

Onathengia wa thirikari gukorwo ing’etheirwo ni arimi bûrûri-inî iguru ria unyagia wa bataraitha itakinyithitie ikîro kuuma makumbi-ini ma irio ma NCPB, minister wa Urimi Mithika Linturi niakinyiriirie bataraitha ya thirikari niikinyithitie ikîro cia wagiriru.

Hari ndumiriri yake Linturi augite thirikari no ugithii nambere na kunyitirira arimi na njîra ya utambia wa mbegu cia uhandi hamwe na bataraitha ikinyithitie ikîro cia wagiriru, agikinyiriria thirikari ya ihinda rîrî ndinguitikiria turia nime tuhuthire arimi na njîra îrîa itarî njega kugerera gutambia indo itagiriire makumbi-ini ma irio nyumu.

Na kuona mbura ya kimera kia njahi niyambiriirie kuringa miena itiganite ya bûrûri, Linturi augite thitoo cia mbegu cia uhandi hamwe na îrîa cia irio nyumu ni irathuka bataraitha ya raithi itikuhingwo mahinda-inî maya ma thigukuu niguo kuhe arimi mweke wa gûtwarithia nambere mihang’o yao ya uguri mbegu na bataraitha ihinda-ini rîrî ria Easter.