KIAMA KIA MA GUKINYIRIRIA UNYITI MBARU WA KUREHE RURIRI HAMWE NA WOHANIRI

Muthenya umwe tu thutha wa kanju nene ya athuri a ugikuyu kana nio Kikuyu Council of Elders kuyukia mugambo wa urekaniri na uria uratindikwo ni munini w apresident gatagati na muingi na atongoria kuuma Mt Kenya, riu nakio kiama kia ma nigikinyiririe mugambo oro uyu.

Kugerera muikariri giti wa kiama giki Njoroge Mugo, kiama giki kiugite ihinda ni ikinyu hari atongoria na muingi gitaru kwaria na rwario rumwe na makiria ma uu kugia na wohaniri, no onao makanyitanira na aria ao a Kikuyu Council of Elders kuuga nikwagiriirwo ni igongona ria kuohanira mahitia maria maya gukorwo mahanikite nahau kabere.

Ciama ici igiri ciyumiritie na gutariria hari bata atongoria othe magie na umanuku wa kurehe ruriri hamwe, njira iria riu ironekana ta yambiririe kunyitithio thing’a gatagatai ka atongoria na muingi wa kirima ni munini wa president Rigathi Gachagua na uria kiambiriria gia kiumia giki arakinyiririe bata wa kuohanira gatagati ka atongoria na muingi