THIRIKARI YA NAIROBI KUHEANA NUTITHI YA THIKU 7 MIIRI 185 ITHENGIO MOCHARI-INI CIAO
Written by Kayu Digital Team on March 27, 2024
- NAIROBI & ENVIRONS 91.0 | MT KENYA REGION 91.1FM
Ari ta njira ya kuhitana na mukomaniro wa miiri ya akuu mathibitari-ini ma kanju ya Nairobi, thirikari ino ni iheanite nutithi ya thiku 7 miiri ino ikorwo ikiyukio.
Hari nutithi ya thirikari ya Nairobi, miiri 185 niyo iri mutaratara wa kweherio ihinda-ini ria thiku mugwanja, kuria hari ino miiri 130 iri mocari-ini ya City mochari Nairobi, miiri 38 nayo iri thibitari-ini wa Mbagathi riri nao miiri 17 ikoretwo mochari-ini ya Mama Lucy, riu thirikari ya kauntyi ikiuga wona thiku icio 7 ciathira megutigwo matari na wiki tiga kweheria miiri ino.
Nutithi ino ikunjuritwo ni karani wa ihinda wa thirikari ya kaunti ya Nairobi Patrick Analo akiuga miingi ya miiri ni iria ya kugerera ngero cia kuragwo, mitino ya barabara gatagati ka njira ingi ta gukuira nyumba na iria augite ituire mochari-ini kuuma mweri wa kenda mwaka wa 2021 nginyagia umuthi.
