MUTARATARA WA ‘DISHI NA COUNTY’ KUNYITITHIO THING’A MAKIRIA NAIROBI
Written by Kayu Digital Team on March 27, 2024
- NAIROBI & ENVIRONS 91.0 | MT KENYA REGION 91.1FM
Thirikari ya kaunti ya Nairobi niyarukite ikereka ria kerî ria waki wa mariko mangi 7 meeru na uguo gukinyithia mariko 17 na maria marongoreirio uhariria wa irio cia arutwo a mathukuru ma muingi ma kaunti îno kugerera mutaratara wa Dishi na Kaunti.
Akiaria thutha wa kuruguria waki wa mariko thukuru-ini cia Dandora 1 primary, Embakasi North na Donholm Primary, Embakasi East, Ngabana Johnson Sakaja augite gukinyithia riu arutwo 184,000 nimatambirio irio na marîhi ma ciringi 5 oro muthenya mathukuru ma muingi, kuria mathukuru 176 ihinda-ini rîrî maratambirio irio ici Nairobi.
Mutaratara uyu wambiriirio mwaka muhetuku ni thirikari ya Kaunti, mworoto ari ni gutigitira arutwo nimathangerio moritu ma irio mathukuru-ini kuria mariko 24 matanyitwo gwakwo, Ngabana Sakaja akiuga nimegûnjura mubango uyu kurî nginyagia thukuru ingi na iria îrîa ona itarî cia thirikari na îrîa îrî icaginî cia Nairobi.
