MATHOGORA MA IGURU MA THITIMA NA MAGOTI GUCUNGIRIRIA KUHINGWO KWA IGANDA
Written by Kayu Digital Team on March 27, 2024
- NAIROBI & ENVIRONS 91.0 | MT KENYA REGION 91.1FM
Kamitii ya bunge igie wonjoria na iganda ni ikinyiriirie thirikari iregerie mihinga muritu na îrîa ikoretwo igicungiriria iganda bûrûri-ini kuhingwo na guthamirio mabururi-ini mangi ma Africa.
Muikariri giti wa kamitii ya bunge ya iganda na wonjoria bunge-ini ya bûrûri-inî James Mwangi Gakuya augite thirikari niyaniriire kûregeria magoti hamwe na marîhi ma iguru ma maguta na thitima, maundu maria augite nimo maracungagiriria onjoria kuuma mabururi ma nanja kuhinga iganda ciao bûrûri-inî na guthamiria iganda ici mabururi-ini ma ta Tanzania, Uganda na Ethiopia na maria kamitii îno yugite nimakoretwo ma riera riagiriru ria kûramata iganda kuuma kurî thirikari cia mabururi maya.