MAHUTHIRO MA MINISTRY HARI INDO ITARI NA BATA MUNENE KURUGAMIO NI THIRIKARI
Written by Kayu Digital Team on March 27, 2024
- NAIROBI & ENVIRONS 91.0 | MT KENYA REGION 91.1FM
Kuuma umuthi, ministry ciothe cia thirikari ni igiritio kuhuthira mbeca cia muingi hari guthondekithia indo cia gutugana ta Tshirts, Maburi, Calender, Ikombe, Nguo na ingi na iria ikoretwo ikiheanwo rungu rwa mawabici ma thirikari kuri aruti wira na andu angi.
Hari nutithi iria ikunjuritwo kuri ministry ciothe cia thirikari ni munene wa utungata wa muingi Felix Koskei, augite guthii nambere motungata maya mothe na maria makoretwo makihuthira kigina kia muingi na njira itagiriire nimarugamitio guthii nambere, na uguo minister makorio kurumirira wmerekera wa ministry ya kigina wa kurugamia mahuthiro maya niguo guthairira kigina kia muingi na kiria kirikanite gukoragwo gigiitagwo kugerera tabarira ici oro mwaka.
Ikinya riri ria thirikari kuri ministry na honge cia thirikari, riukite muthenya uwme tu thutha wa honge cia thirikari nacio gwathwo irenge mahuthiro macio na gichuji kia 30 hari igana na oho kuneana umuthi wa kibeca thutha wa magoti wa gichunji kia 80 hari igana kuri ministry ya kigina.
