Thiku ni imwe tu yatigara igonyi citiganite cirike kiharo nyumbuthukoini cia gatatu cia thi ngima mahenyaini ma safari rally

Thiku ni imwe tu yatigara igonyi citiganite cirike kiharo na gutiithia thimo ya mwenye nguvu mpishe, nyumbuthukoini cia gatatu cia thi ngima mahenyaini ma safari rally, na maria matabanagirio guku bururiini nimo world rally Championship. Mahenya maya na maria akenya mananagia ta vasha, matanyitwo kunyitithio thing’a kwambiriria Aramithi ya tariki 28,nginyagia muthenya wa kiumia tariki 31 mwena wa Naivasha,na cigukorwo na mithemba 9 ya ngari.No onakuriouguo njorua ndeteri ya nyumbuthuko ici sebastien Ogier ndagutungata nyumbuthukoini cia mwaka uyu,na aratanyitwo gukorwo akiumbuthuka na ngari muthemba wa Toyota gazoo racing ya kuuma bururiini wa japan,kuringana na list ya muthia ya aumbuthuki iria irekereirio ni athagania a nyumbuthuko ici FIA.Ngari cia umbuthuki muthemba wa Ford M-Sport, Gazoo Racing na Hyundai WRT mena matereba 3 o muthemba.Toyota mena Elfyn Evans, Takamoto Katsuta na njorua ya mahenya maya ya mwaka wa 2022 Kalle Rovanpera, na uria niwe njorua ya thi ng’ima.Nyumbuthukoini cia mwaka muhituku Toyota nio maiyukiitie ithenya ria mbere nginyagia ria kana, kuria ogier niwe wahiukire na uhotani wa mahenya maya.Belgian Thierry Neuville, akahiuka na ngari muthemba wa i20 N Rally1 Hybrid ya Hyundain undu umwe na Ott Tanak na Finn Esapekka Lappi.Neuville na Martijn Wydaeghe ni amwe a aria magucokereria mahenyaini maya mwaka uyu,kuria nayo njorua ya mwaka wa 2019 ya thi ng’ima Tanak, uria wacokereire uhiuki wa Hyundai kuuma kuri Ford,magukorwo makihiuka na ngari muthemba umwe na Martin Järveoja.Njorua ya hau kabere ya guku bururiini Carl “Flash” Tundo na Karan Patel magukorwo magitongoria timu ya andu 8 a guku bururiini, aria ni hamwe na aguthuki 3 a Mitsubishi evolution x aria ni Nikhil Sachania, Andrew Muiruri na Minesh Rathod.
Akenya angi makahiuka nyumbuthukoini ici ni
Carl Tundo/Timothy Jessop
Karan Patel /Tauseef Khan (Skoda Fabia)
Aakif Virani /Zahir Shah (Skoda Fabia)
Samman Singh Vohra/ Alfir Khan (Skoda Fabia Evo Rally2
Hamza Anwar Adnan Din (Ford Fiesta Rally3 )
Nikhil Sachania /Deep Patel ( Mitsubishi Lancer Evo X)
Andrew Muiruri /Edward Njoroge (Mitsubishi Lancer Evo X )
Minesh Rathod Gordon Noble (Mitsubishi Evolution X)