SAKAJA; WATHO WA WAKI WA NYUMBA CIA NGOROBA 25 URAHUTIA MATURA MATIGANITE NAIROBI
Written by Kayu Digital Team on March 25, 2024
- NAIROBI & ENVIRONS 91.0 | MT KENYA REGION 91.1FM
Kurumirira utetia wa mwerekera wa thirikari ya kaunti ya Nairobi hari waki wa nyumba cia ngoroba thiini wa kaunti, ngabana wa kaunti ino Johnson Sakaja niakinyiririe uthathauri wa watho wa thirikari hari miako ino.
Hari ndumiriri yake kugerera rurenda rwa X, Sakaja augite watho wa waki wa nyumba cia ngoroba 25 uthiururukiirie estate iria iri gukuhi na kiharo kia ndege kia mbiraru kia Airbase na kuria kuuma tene gutire kugiritio gwako miako ino, akiuga riu watho uyu ni uthengitio.
Onagukiri uguo hari matura mangi, Sakaja augite watho uria uri mbere ya bunge ya kaunti ya Nairobi wa miako ya ngoroba ya 75 niguo wetereirwo, akiuga mworoto munene wa gwitikiria makinya ni kunina na thina wa nyumba, na uria augite waya gukorwo ukiambatira naiguru miaka iguka kuona kaunti ino ndiri na mweke wa kwarama onathengia wa andu gukorwo makiongerereka oro gwakia.
