KIMAKO THUTHA WA MUNDURUME KURAGA NA NJIRA GUTEMANGA NYINA MUMUCIARI KIRINYAGA
Written by Kayu Digital Team on March 22, 2024
- NAIROBI & ENVIRONS 91.0 | MT KENYA REGION 91.1FM
Itua ria ihoru ni rihutitie muingi wa Ndia kaunti-ini ya Kirinyaga uu ari thutha wa mundurume wa ukuru wa miaka 30 kuraga nyina wa ukuru wa miaka 56 na njira ya kumutemanga ichunji iguru ria ngucanio cia kimucii na gucoka gwithara.
Mundurume uyu na uria ukurikanite ta Murimi Maina kuuma itura ria Karuku, Kiania gicigo-ini kia Ndia na uria urarutaga wira wa guthinja nyama, erikanite kugera ngero ino hari nyina mu8tigairi Jane Nyambura Maina utuku wa ira, kuria erikanite kuhithukira nyina na kumute ngingo na thutha-ini kumutema guoka na kuguru na gucoka gwithara.
Riboti cia andu a itura ciugite mbara ya eri aya iraumanire na ikinya ria nyina wa mwikuirwo gutemanga itina cia kahua 20 cia muriu, kuria aracokire kuruta mukana wa kuraga nyina, na uria urandikithitirie riboti ici na chibu wa itura, undu uyu ukirikana kuraraka makiria mwikurwo na muthia gucoka kugera ngero ino mathaa-ini ma utuku.
Nginyagia riu borithi nomarathii nambere na gucarania na mwikurwo uyu na uria uthiite riuriro, kamanda wa borithi Moses Koskei akiuga nimambatiritie utuiria wao niguo kuhikana na kimaramari giki na kiria kiurite thutha wa ugeri ngero ino.
