Angella Okutoyi niwe njorua ya gitaru kia Africa ya kabira ga tennis na kwamukira title ino, thutha wake kwandikithia ngoga yake ya mbere ya thahabu ngumuthuranoini cia gitaru kia Africa

Angella Okutoyi niwe njorua ya gitaru kia Africa ya kabira ga tennis.Okutoyi amukirite title ino, thutha wake kwandikithia ngoga yake ya mbere ya thahabu ngumuthuranoini cia gitaru kia Africa, iria cirathii nambere mwena wa accra bururiini wa Ghana. Njorua ino ya mwaka wa 2022 ngumuthuranoini cia Wimbledon Open doubles junior champion, aratamurire njorua ya bururi wa Egypt Lamis Abdelaziz na igutha ria seti 2-0, seti ya mbere akimutarikia mbao 6-4 nayo ya keri aramugathika mbao 6-2, na kwandikithia rekondi yambere kuuma guciarwo gwake kuhiuka na uhotani gitaruini kia Africa, kuria arumiriire makinya ma
Davies-Doxzon,uria wandikithirie ngoga ya thahabu mathakoini maya ma all Africa games mwakaini wa 1978 na maria marimnagirwo mwena wa Algiers undu umwe na Judy Wakhungu uria wahiukira na ngoga ya ruthuku mwakaini wa 1987 hari ngucanio iria ciarimanagirwo guku bururiini. Njorua ingi ya kenya ininiire bururi nyota wa miaka karundo ni Mary Moraa, uria niwe njorua ya thi ng’ima mahenyaini ma 800m, na uria urandikithirie rekondi ya mukenya wa 3 kuhotana ngoga ya thahabu mahenyaini ma 400m hari ngucanio cia gitaru kia Africa. Moraa araniniire kenya nyota wa miaka 37 kuuma mahiuka na uhotani uyu, Francisca Chepkurui niwe wahiukiite na uhotani uyu mwakaini wa 1987 maria mathakagirwo guku bururiini nake Tekla Chemabwi akihotana mwakaini wa 1973 mwena wa Lagos.Nginyagia riu moraa ahotaniite ngoga 2 mathakoini maria marathii nambere ma gitaru kia Africa bururiini wa Ghana, ngoga ya thahabu mahenyaini ma 400m, na akahotana ngoga ya ruthuku mahenyaini ma relay ya 4×400m.