Current track

Title

Artist

MBUNGE YA KIRINYAGA KUHETUKIA WATHO WA KUHITANA NJOHI THUMU

Written by on March 20, 2024

  • NAIROBI & ENVIRONS 91.0 | MT KENYA REGION 91.1FM

Thirikari igikirira makiria mawatho meru ma kuhitana na njohi bururi-ini na makiria iria thumu, bunge ya kaunti ya Kirinyaga ni iingirite ithabu-ini ria kaunti ithatu iria irikitie kuhetukia mawatho meru ma kuhitana na njohi kaunti-ini ino.

Kaunti ino riu inyitaniire na kaunti cia Nyandarua na Nyeri na iria irikitie kuhetukia watho uyu, spika wa bunge ya Kirinyaga Muteti Murimi akiuga uhetukua wa watho uyu ni uguteithiriria hari kuhitana na unyagia wa njohi thumu kaunti ino ya Kirinyaga kuona ni gugukorwo na watho wa uthondeki wa njohi.

Ni watho oro oho ugathiririo ni MCAs bunge-ini ya kaunti ino ya Kirinyaga makiuga uyukia wa watho uyu ni uguteithiriria makiria hari kuhita njohi ici cia macebebu kaunti-ini ino, MCA wa ward ya Mukure, Thomas Muriuki na uria uratemanirie watho uyu akiuga watho uyu niwathiriire uria njohi ithondekagwo na kwendio kaunti-ini ino.

Maya mokite riri thirikari yaniriire mubango wa guthurima iganda ciothe cia uthondeki njohi bururi-ini niciambiriirie guthurimwo, niguo gutwarana na watho uria wiriga kwanirirwo, minister Kithure Kindiki akiuga thirikari ndigucoka na thutha kuhitana kuuna na njohi thumu bururi-ini.


Current track

Title

Artist