NAMBA YA ATHII A MUGITHII KWAMBATIRA MAKIRIA MA MAITA 2
Written by Kayu Digital Team on March 19, 2024
- NAIROBI & ENVIRONS 91.0 | MT KENYA REGION 91.1FM
Kirumirira wambatiru wa thogora wa uturo na marîhi ma ngari guthii matura-ini ma icaginî, ruhonge rwa reli nirugunikite na njîra nene na thabarî cia gukua athiî bûrûri-ini ûû arî thutha wa iangi ao kuhugukira mugithi guthii matura-ini.
Hari riboti cia ruhonge rwa reli, athii 165,784 nîo marahuthirire mugithi wa kuuma Nairobi guthii Kisumu hamwe na uria wa kuuma Nairobi guthii Nanyuki, ndari ici ikionania namba ya athii maita merî makîria ma athii aria makuirwo ni mugithi mwaka-ini wa 2022.
Hari mweri wa December uri woika mwaka muhetuku, athii 25,205 nîo marahuthirire mugithi kuuma Nairobi – Kisumu rîrî nao athii 26,226 marahotire kuhuthira mugithi kuuma Nairobi-Nanyuki, ruhonge rwa reli rukiuga ruriri na Mwihoko munene hari ugaciru wa motungata ma gukua athii kugerera mugithi guthii matura-ini.
