MABURURI MA EAST AFRICA KURIO MAREGANE NA MOGARURUKU MA MAWATHO MA UTONGORIA WA AU

Bûrûri wa Kenya unyitaniri na mabururi ma Africa ya irathiro nimathingatitwo mehugane kuuna na njama oro ciothe cia mamwe ma Africa wa kugarurira mawatho ma utongoria wa ngwataniro ya mabururi ma Africa nîo AU na maria marerikana marenda gukungio mucemanio-inî wa mwanya wa muthenya wa umuthî bûrûri-inî wa Ethiopia.

Muteti na muthathauri wa maundu ma kiutongoria kuuma kaunti-ini ya Murang’a Dr Moses Mwangi niwe utunganitie ndumiriri îno, akiuga mabururi ma Africa ya irathiro matiagiriirwo gwîtikiria ucembia wa mendikithia ta maya na maria augite mararenda gukungio niguo kugiriria Odinga na uria uri mbere ihenya-ini rîrî kuimwo mweke wa kuhitanira gîturua gîkî.

Na kuona urumwe uria umanite na kurugama kwa Odinga hari aria Mari thirikari-ini na mung’ethaniro ni ucingiriirie thayû bûrûri-inî, thirikari ya Kenya Kwanza nayo niitaritwo kuyukia mweke uyu wina uhoreru wa ûteti kuyukia mweke uyu na gutungatira muingi makîria rîrî kurî na uhoreru