JUBILEE KURUTA MUKANA IGURU RIA MUHINGO WA IRABU CIA NJOHI IRIA IRARI NA MARUA

Riri thirikari irakinyaniria mungururirio wa kuhitana na wendia wa njohi matura-ini mugaru na watho, kiama kia Jubilee nikirutite mukana wa githitanga thirikari iguru ria makinya ma gukanja marua ma irabu iria irarutaga biacara iria njagiriru cia wendia wa njohi nahau kabere.

Kugerera mwandiki munene wa kiama giki kia Jubilee, Jeremiah Kioni, Kiama giki kiugite ni kirutite mahitia mubango wa thirikari wa kuhinga irabu iria irari na marua nahau kabere na iria irarutaga biacara ya wendia wa njohi iria ihetukitio ni thirikari, gikiuga ikinya riri ni mugaru na watho kuona aya gutiri mahitia marari namo kuuma oro kiambiriria.

Maya mokite riri kiama giki kugerera Kioni gikinyiririe nigikuandikithia cira igoti-ini niguo kuhoya watho wa igoti wa aya macokirio mbeca cia license iria makoretwo mahetwo nahau kabere, Kioni akiuga kuri na njama thaganie ya kuhukia biacara iria njagiriru cia mugikuyu rungu rwa thirikari ya Kenya Kwanza.